عظيمة يا مصر ..... الجزء الاول



إذا نظرت لوجهى وقوامى الهزيل , لرأيت ختم الجمهورية مطبوعا على جبينى ....

أجل ... ستراه .... لكن دقق النظر جيدا ....

فقبل أن تخطو قدماى ثرى مصر _ أى منذ سبعة أعوام تقريبا _ كنت أقطن إحدى بلاد البترول

حيث الرفاهية .... المطلقة .... والحياة السهلة ... تحت حرارة المناخ التى قد تصل إلى الخمسين ...

فكان قوامى ممشوق و جسمى يميل إلى التخمة .... و كنت تلميذا فى المدرسة المصرية للغات

و ما أدراك ما تلك المدرسة _ التى ترعاها السفارة المصرية ذاتها _ من نظام و بنية تحتية تكاد تقارب البنية التحتية لأفخم الجامعات

الخاصة بمصر ..... ما علينا ..... تعلمت بها أفضل التعليم و التهذيب و الأخلاق ..... حتى كانت لى البيت الثانى و الاخير الذى ربى فى ّ

_ رغم اننى بعيد عنه_ حبى لوطنى الذى لم اراه إطلاقا إلا مكتوبا على جواز سفرى ...


عندما وطأت أرض مصر أحسست أننى الابن المسافر الذى عاد بعد طول غياب لاحضان أمه العجوز ... من الوهلة الاولى التى رأيت فيها

شوارع القاهرة من نافذة السيارة و انا فى طريقى من المطار شعرت اننى سافرت إلى أرض غريبة و أناس مختلفة فى الشكل و السلوك ...

ما علينا ....


فى أول يوم لى على أرض المحروسة ..... ذهبت إلى بيت جدتى .... و طبعا طبعا الغدا عندها كان من أشهى ما يكون من صنوف الطعام ....

و فى وجبة العشاء قررت الاسرة الكريمة .... ان يأكلوا كشرى كنوع من التجديد ..... أكلنا الكشرى .... و طبعا تانى يوم كان عندى

كبد وبائى .... و قعدت شهر مبكلش ..... و خسيت جدا جدا .........

و ده كان أول ختم خدته من مصر من اول يوم .....

فعلا

عظيمة يا مصر يا أرض النعم ....

2 مضوا على مذكراتى:

هههههههههههههههههههههههههههههههههه

كل ده من اكلة كشري

حرام عليك يا عمرو

امال لما اكلت الفول والطعمية حصل ايه

ربنا يستر المذكرات الجاية هتكون مخبية ايه

اه من الحق حمد الله علي سلامتك برجعوك لارض الوطن

ولو انها متاخرة شوية

:)

كمل كمل احنا معاك اهه

جميل التامبلت بتاع المدونة علي فكرة

هههههههههههههه


الله يسلمك يا سفروتة ....


ده لسه والله هقول كلام كتير بجد الواحد

نفسه يتكلم ....



و الحمد لله ان مدونة عجبتك ..


اه بالحق مبروك على اسمك الجديد