مش عارف الناس ليه مبتحبش التاجات مع إنها بتقرب المدونين من بعض و بتعرف شخصيات المدونين .....
.............
التااااااااااااج اهوووووووو
طبعا مبدأيا أكيد الواحد ممكن يكون غلطان فى حاجات كتير لان الواحد غالبا مبيقدرش يحكم على نفسه ....
اولا: اذكر اسم من دبسك في هذا الواجب
سفروتة ........
ثانيا :اذكر القوانين المتعلقة بهذا الواجب
ما فيش قانون أساساً
ثالثا:اذكر ستة اسرار قد لا يكتشفها من يقابلك للمرة الاولي
أولا مبحبش الرغى والناس اللى بتتكلم كتير فى كلام فاضى
ثانياً : محدش يعرف إنى مهمل جدااااااا
ثالثا : محدش يعرف إنى إجتماعى لان الناس فكرانى إنطوائى
رابعا : محدش يعرف إنى حليم بس لما أعصابى بتفلت ... أجارك الله !
خامسا : محدش يعرف إنى حساس جدا ممكن أتضايق بسرعة .
سادساً : محدش يعرف غير اللى يعرفنى كويس إنى متوتر جدا .
رابعا : اذكر 16 صفة عن نفسك ....
كتير قوووووووووووى ....... كفاية عشرة ....
أولاً : واثق من نفسى والحمد لله
ثانيا : مبحبش المواجهة
ثالثا : عزة نفسى أهم من اى حااااااااجة تانية
رابعاً : بحب الشعر جدا و بحب اتكلم عنه اوى بس للاسف الناس بتحسبنى بتنطط عليهم ...
خامساً : سريع الملل و الزهق .... إنسان مزاجى متقلب الشعور ..
سادساً : كتوم و صعب تعرف أنا عاوز ايه
سابعا : متفائل جدا جدا جدا
ثامنا : هااااااااااااااااااااااااادئ وحط تحتيها متين خط
تاسعا : قليل الكلام مؤمن بمبدأ خير الكلام ما قل ودل
عاشرا و أخيرا : كثير السرحان و النسيان ... وأحيانا بمشى اكلم نفسى ......
خامسا : مرر هذا الواجب الي ستة مدونين
بلاش احسن حد يدعى علىّ ولا حاجة ......